قصيدة (رحيل الطهر والبراء ) للأستاذ / بهاء خليفة . والد فقيد شباب كفرالشيخ مخلوف محمود بهاء

 قصيدة  (رحيل الطهر والبراء ) للأستاذ / بهاء خليفة  .     والد فقيد شباب كفرالشيخ مخلوف محمود بهاء
    انتم بتقولوا أن البحر بيحمل لنا سر الحياة والخير وأنا كمان بقول البحر بيحمل لنا سر الحياة والخير بس كمان هو شر كبير وبيحمل ازية للغير ولما شفته وهو بيحصد الاعمار ويقطف الازهار ويخلى دموع امهات سيل ما يجف ليل ولا نهار ومن صغرى كنت اقعد على شطوطه اراقب مراكبه واتعجب على اللى راكبه وهو بياخد بايده من جواه رزقه ومن على شطوطه شفت شباب رايح للبحر علشان يقابل موته ومن على شطوطه انتظر لحظه هدوئه وسكوته ومن على شطوطه أكلمه أهديه ومن على شطوطه اخدته صديق ألجأ ليه وقت الضيق وكان يفرحنى بموجه ومن على شطوطه اتصادقنا واتعاهدنا وفى حضن بعض اتحادنا واحد يسبح والتانى ملفوف حواليه وعلى اتفاقنا سارت ايامنا ما اتفارقنا ومن على شطوطه كنت اتابعه ألاقى إللى جيله أكتر من اللي فاته وعلى طول حاضر فيه شبابه واحنا مين بينا دابم شبابه واليوم إللى بيعدى بيقرب كل واحد فينا لمماته يا بحر شبنا ولصحبتك سبنا وفرق بينا الزمان وفرقنا واتفارقنا وكل ما يشوفني القاه مكشر وهايج ولميته معكر اقوله يا بحر انا موجود بلاش تاخد خلود ولا محمود يقول مالك عوزه انا عينى على محمود دا كبر واستوا العود دا واد مبتسم وبشوش وأنا اشتقت لجسمه ورسمه وانت كفايه عليك يفضلك بقا اسمه يا بحر طبعك ليه كده غدار وكل ما تيجى تاخد حد تنقى اجمل من فى الدار وراح محمود للبحر راح زى إلى فاتوا راح له علشان البحر يكتبله شهادة وفاته ومات محمود وقالوا غريق قلت انا محمود مش غريق محمود احتسبته عند الله شهيد راح الطهر ملفوف بردا البراء مت يا محمود ازيك يا بنى وازى يومك والله ما بقى منك غير ضلفه دولاب مرصوص فيها هدومك وحبه حركات بقوا ذكريات اشتقت يا محمود لطوعك ونزولك وتدبديبك على سلمك ربى يا بنى يسلمك لقيت عندك صحاب زى أحمد ومحمد وكرلس وشادى فاكر لما كان عليك من تحت بينادى ملحقتش يا بنى أوعدك بس على العموم عندك جدودك رشاد ومحمود سلملى عليهم وانت بتسلم عليهم أوعى تنسى توطى تبوس على أيديهم ومن هنا أمك بتسلم عليك وبتقول افرح ومتشلش هم هى فخورة بيك وماشيه وسط الناس مرفوعه الرأس بيك وأنا من هنا كل يوم أروح للبحر اقوله زيى ما انت بتحمل لنا سر الحياة والخير حيفضل معاك حزن وسر موت الغير ورحل الطهر ملفوف برداء البراء أبوك بهاء
    karem bdr
    @مرسلة بواسطة
    كاتب ومحرر اخبار اعمل في موقع اسرار نيوز .

    إرسال تعليق