شيزوفرينيا schizophrenia "الفصام فى الشخصية" *زوجة تسببت فى مقتل زوجها

شيزوفرينيا schizophrenia "الفصام فى الشخصية"     *زوجة تسببت فى مقتل زوجها

    _نقطة البداية
    _ازيك يا دكتور مصطفى اتفضل اقعد
    _كويس، خير يا دكتور حضرتك محتاجنى فيه ايه
    _حالة شيزوفرينيا، حالة حرجة شوية، فى المستشفى هنا من أربعة شهور، دا ملف كامل عن الحالة يا دكتور واحنا محتاجين منك تتكلم معاها

    _اشرحلى أكتر عنها وايه أسباب وجودها هنا
    _هى تسببت فى مقتل زوجها المحكمة حولتها هنا بناءً على التحاليل اللى أكدت أن هى عندها فصام، طبعاً شهود كتير أكدوا الموضوع دا وأنها بتتعامل معاهم بكذا شكل وبكذا شخصية
    _طيب أنا هدخلها دلوقتى، صحيح هى اسمها ايه؟
    _اسمها شذى!!

    *تجلس أمام التلفاز ويبدو عليها التركيز الشديد، يدخل هو إليها قاطعاً تركيزها

    _ازيك يا شذى
    _أنتَ تعرفنى!!   
    _أيوة طبعاً، ممكن اقعد معاكِ؟
    =...................
    _مش بتردى ليه؟
    _مش شايفنى مركزة فى اللى بسمعه
    _طب أنا عايز اتكلم معاكِ ممكن
    _اتفضل
    _هو أنتِ عارفة أنتِ هنا ليه؟
    "بعصبية" لا مش عارفة ومش عايزة أعرف واطلع برا
    _اسمعينى بس.....
    _برا.. برا.. برا
    (وفى الحالة دى هو قرر أنه يستغنى عن دوره كطبيب ويتعامل معاها بشكل تانى خالص)
    *اليوم التانى
    دخل عليها الأوضة وشافها بتقرأ فى كتاب
    _ازيك؟
    _أنتَ تانى..
    _بصى مش هاضايقك تعالى نتكلم كأصحاب،أنا مصطفى
    _عايز تتكلم فى ايه
    _قوليلى الأول بتقرأي ايه
    _دى رواية لحنان سعيد
    _بتاعه اسميته أحمد؟
    "بفرحة" ايه دا أنتَ تعرفها؟
    _أيوة طبعاً أنا كمان بحب القراية بس بقرأ لأغاثا كريستى
    _بتاعه ايه دى
    "هو حس أنها بدأت تتجاوب معاه فقرر يستغل حبها للقراية لصالحه "
    _بتكتب عن الجرائم والقتل والغموض
    _قتل!!
    _ايوة ايه رأيك تقرأي ليها وأنا أقرا لحنان سعيد
    _طب هى بتقتل مين
    _ايه رأيك اسيبك تقرأي ليها وأنتِ تعرفى،موافقة
    _ماشي

    *بعد مرور شهرين
    _نقطة تحول

    _ازيك يا شذى،أخبارك ايه النهاردة
    _أنتَ ليه مجتش امبارح كنت مستنياك
    _مفيش أصلى مخنوق شوية
    _مالكَ فى حاجة!
    _مش احنا أصحاب،ممكن اتكلم معاكِ
    _ايوة
    _عارفة يا شذى أنا بحب واحدة بحبها جداً جداً وكان نفسي تفضل معايا العمر كله بس للأسف بقى..
    _سابتكَ،خانتكَ صح!
    _لا ماتت فى حادث عربية وسابتنى لوحدى
    _وأنتَ ممكن تحب تانى!
    _وليه لا مش لو لاقيت الإنسانة الكويسة
    _هو أنا ممكن أقولك حاجة بس متقولش لحد أبداً
    _ايه
    _أنا بسمع أصوات فى دماغى وبتقولى اعملى حاجات وحشة
    "باهتمام" بتقولك تعملى ايه؟
    _إنى أقتل،بس متقولش لحد الصوت بيقولى إنى أقتل زى ما قتلت قبل كده بس متقولش لحد
    _مش هقول متقلقيش
    _كنتَ بغير عليه كان فى صوت فى دماغى بيقولى اقتليه والصوت بيكبر بيكبر وهو كان حلو والبنات حواليه كتير وأنا كنت بحبه بجنون ومش مستحملة حد جمبه الصوت كان بيقولى أنه بيخونى عشان أنا مش حلوة والبنات حلوين وراقبته وف مرة لاقيته قاعد مع واحدة فى كافيه ومحستش بنفسي فقتلته وقتلتها وفجأه لاقيت نفسي هنا
    _طب وليه مقولتيش لحد
    _أنا مكنتش أعرف ومكنتش فاكرة أى حاجة
    _طب وافتكرتى ازاى
    _مش أنتَ قولتلى أقرأ لاغاثا كريستى وهى بتكتب عن الجرائم والقتل وأنا لما قريت كتير ليها افتكرت كل حاجة بس خوفت اتكلم _يعنى أنتِ ممكن تقتلى لو غيرتى على حد
    _مش عارفة،أنتَ شايف إنى ممكن اقتل
    _لا أنا شايف أن شذى الحلوة مش ممكن تعمل كده تانى، خاصةً لو بتحافظ على علاجها
    _أنا حلوة بجد!!
    _طبعاً و زى القمر
    _بس هو أنا بأخد علاج امتى هو أنا تعبانة!!
    _الأصوات اللى فى دماغك دى بتضايقك صح؟
    _ايوة أوى ودماغى بتوجعنى
    _احنا بقى عايزنك تخفى ومتسمعيش أصوات تانية
    _مصطفى ممكن أسالك سؤال
    _اتفضلى
    _هو أنتَ ممكن تحبنى فى يوم
    _أنتِ ممكن تقتلينى لو حسيتى أنك بتغيري عليا
    _لا طبعاً مش أنا خلاص بقيت كويسة وبأخد الدواء مستحيل أعمل كده تانى أبداً أبداً أبداً
    _خلاص يا ستى وأنا بحبك
    _بجد
    _بجد

    *قتلتى دكتور مصطفى ليه يا شذى
    "بتهز كتفها" كان بيخونى
    _مصطفى كان بيخونك
    _ايوة كان واقف مع واحدة وبيضحك وبيتكلم معاها ومش بيرد عليا ولا ع تليفوناتى يبقى بيخونى،يبقى اقتله وبعدين الصوت كان بيقولى كده،كان بيقولى أنه بيخونك يبقى يموت 
    _تانى يا شذى
    ...اكتب يابنى عندك تحول لمستشفى الأمراض العقلية والعصبية


    karem bdr
    @مرسلة بواسطة
    كاتب ومحرر اخبار اعمل في موقع اسرار نيوز .