حمله لمقاطعة الأطباء المخطئين والمهملين خليهم ميشتغلوش

حمله لمقاطعة الأطباء المخطئين والمهملين خليهم ميشتغلوش





    صابر سكر 
    اطلق سامر سعيد مبارك احد النشطاء في حقوق الانسان ومن المقيمين بقرية بيبان حمله مقاطعة الاطباء المخطئين والمهملين خليهم ميشتغلوش دعا فيها مواطني قريته ومركز كوم حماده لمشاركته في الحمله من خلال جروبات القريه والمدينه وصفحته الشخصيه وقال فيها 
    أطباء كوم حمادة لحد أمتى هنستحمل أخطائكم ومشاكلكم وتشخيصكم الغلط اللى كانت سبب فى موت ناس أو تأزم حالتهم وتدهورها هل ده تدنى فى المستوى ولا المادة اهم من حياة الشخص اللى المفروض إستأمنك على حياتة فى لحظة ومش ببلاش لا دا المفروض إن دافع ليك ثمن الوقت دة.. 
    اللى حصل وبإختصار
    المفروض اللى نعرفه إن الزايدة تشخيصها حاجة سهلة
    يعنى اية تبقى تعبان وتروح لدكتور المفروض انة من أكبر دكاترة كوم حمادة ويديك علاج لإلتهاب قولون وتروح وتانى يوم حرارتك توصل ل 45 ويعمل أشعة تلفزيونية وبعدين يديلة ٢ أمبول كاتيلاك +٤ امبولات تانى فى محاليل والوجع يهدى وخلاص كل دة حصل على مدار اليومين عند الدكتور ع_ا والأشعة عملناها عند معمل مشهور 
    لحد تالت يوم كشفنا عند الدكتور م ي مشكورا اللى قالنا عندة الزايدة وبعد الأشعة والتحليل قالنا انها منفجرة من 3 أيام ولازم العملية تتعمل حالا 
    كل دة حصل مع Mhmd Ashrf حالات لاطفال وشباب فارقوا الحياه في الشهور الماضيه بسبب اخطاء سازجه للاطباء وزوجات شبات فقدوا الرحم بسبب تلك الاخطاء وفي مستشفيات خاصه 
    الخلاصة بقا أولا عايزين حد يقولنا على الطرق المتبعة للتعامل مع الناس دى لان تقريبا الناس دى فوق القانون لا دى مش أول حالة فى كوم حمادة ولا أخر حالة تشخص غلط
    ثانيا هل احنا سكان مركز كوم حمادة نقدر نوصل لمرحلة اننا نقدر نعاقب الطبيب المخطئ دة عن طريق مقاطعتة وبكدة على ما اعتقد ان اللى يغلط منهم وتمت مقاطعتة مش هيشتغل فى كوم حمادة تانى ويبقى عبرة لغيرة ولازم بسرعه قبل زيادة ضحايهم نبتدي حملة مقاطعتهم الي كل أصدقائي من الواجب الانضمام للحمله وعليكم مراسلتي وكشف كل المتسببين في اصابة الناس وتدهور حالتهم وفي وفاتهم بأخطاء طبيه بالأسماء للراي العام لتجنب توقيع الكشف الطبي عندهم أو إجراء أي عمليات جراحيه 
    وفى الأخر حسبى الله ونعم الوكيل فى كل ظالم ومهمل ومستهتر وفاكر ان أرواح الناس لعبة فى ايدة وكل واحد كل همة الفلوس بس وكل دكتور اتحول لتاجر بين قوسين (قاتل ......
    karem bdr
    @مرسلة بواسطة
    كاتب ومحرر اخبار اعمل في موقع اسرار نيوز .

    إرسال تعليق