نصائح لطلاب الثانوية الأعزاء

 نصائح لطلاب الثانوية الأعزاء

    كتب: محمد سعد
    أنا عارف انك مش خارق وأكيد الجو العام مأثر عليك زي أي حد حواليك، وكمان مُتفق معاك أن الثانوية أصلا من غير ده فهيا ضغط وتعب وسهر، لكن دي حالة مش أنت لوحدك بتمر بيها معاك زمايلك والدولة كلها، أنت دلوقتي في تحدي أيوه والله الموقف صعب لكن مضيعش منك سنة وكمان حلمك!
    تقريبا معظمكم امتحاناته بتكون في مدرسة في نفس بلده أو لو بعيده بتبقا في أقرب مدرسة له تبع المركز!

    فموضوع حمايتك الشخصية من الاختلاط ان شاء الله يكون سهل فأنت في بيتك دلوقتي ذاكر واعمل كل اللي عليك، متسمعش أي أخبار عن كورونا ولا قد ايه اتصاب ولا كام اتوفى النهاردة، ابعد عن أي أخبار سلبية، تعامل كأن الموقف عادي #لكن بحذر جدًا أول لما تنزل تمتحن كمامة وجوانتي ومش رايح تعمل/ي قاعدة عرب وتقعدوا بقا متوقع إيه ولا بعد الامتحان تكونوا لجنة تصحيح، إنت/ي نازلة من بيتكم علشان تمتحني وبس، الامتحان في العادة وخاصة السنادي بيكون متوقف على حاجتين مذاكرتك وحالتك النفسية، فحاول تبعد عن أي حد أو حاجة تجيب لك إحباط وسلبية وأولها انك تتابع اخبار السوشل ميديا.
    كل شيء مُقدر، وفي ناس زمايلك هيحققوا أحلامهم وهيجبوا الكلية رغبتهم، وأنت كمان تقدر تحقق حلمك رغم الصعوبة.
    آخر حاجة أنت عليك السعي والنتيجة على ربنا، اعمل كل اللي يخليك في الآخر متقلش يارتني كنت وقتها مش هتفيد وهتزعل.
    خليك إيجابي .. دمتم موفقين
    karem bdr
    @مرسلة بواسطة
    كاتب ومحرر اخبار اعمل في موقع اسرار نيوز .

    إرسال تعليق