الفوضى التسعيريه. بمناسبة زيادة اسعار البنزين رالسولار والغاز ..



والفوضى التسعيرية كل واحد عايز يزود السلعه اللى بيبيعها .. او ينتجها ..

الحاجه اللى مش قادر أفهمها إزاى أسعار البنزين والسولار والمازوت بتزيد بره مصر ..

فى الخارج ..

والله ساعات وانا بمون العربية بره مصر  ببلاقى ساعات تمن البنزين سعرين ..

فى نفس الفاتوره ..

قبل الزياده وبعدها فى نفس الفاتوره ..

وممكن ينزل تانى بعد ساعه او اتنين ..

لو حدثت زيادة أثناء  تموين السياره ..

السعر بيتحرك لوحده بدون قرارات ولا اجتماعات حسب السعر فى البورصة عندهم .. اتوماتيك ..


وكذلك الضرائب .. والرسوم ..

كل حاجه محسوبه مظبوط ..احنا ليه مش زيهم ..

ده مش عايز امكانيات ..

عايز فقط وعى وثقافة المواطنين ..

وهذا دور الاعلام والمثقفين ..

المواطن ياخد حقه  والدوله تاخد حقها ..


ده دور الغرف التجارية ..

وجمعيات حماية المستهلك ..

اللى اعرفه  ان الحد الاقصى للارباح عندهم  فى الخارج لاتزيد عن 25 ‎%‎ .. والضرائب برضه محسوبه .. سنوياً .. لكل تشاط ..

ومش بالشبر .. ولا بالمتر ..

مفيش كلام من ده .. 

ومفيش استغلال .. لبعض ..

مش بعض ناس وتجار  وصناع ومؤدى خدمات عندنا بيكسبوا 100 ‎%‎ واكتر ..

خاصة بتوع الخضار والفواكه .. وبعض السلع الاخرى .. ومؤدى الخدمات ..

اطباء محامين محاسبين اصحاب شركات عقارات !!


لازم نتغير .. عشان نعرف نبنى بلدنا ..

كل واحد عارف حقه .. والدوله عارفه حقها ..

وهذا هو النظام والاستقرار ..

مش زى الفوضى اللى عندنا  دى !!!

الدكتور يرفع الفيزته هو وباقى المهن الحره ..

المكوجى والحلاق والبقال  ..

انا اعرف ان فيه ناس كبيره وارباحها كبيره لاتدفع ضرائب محامين واطباء كبار واصحاب شركات عقاريه وفى محال التشييد والبناء ..

لابد لهم ان يعلموا جريمة وخطأ ذلك ..

لازم عملية تثقيف للمواطن ..

والتاجر والصانع ومؤدى الخدمات ..

حتقولى هو احنا بنقبض زى الاجانب دول  ..

ايوه .. 

خلاص المرتبات زادت وقربنا منهم ..

كمان الخدمات ومستوى المعيشه عندنا ارخص ..

والخدمات كلها سعرها اقل ..

ومستوى الاسعار اقل منهم ..

المهم الناس متستغلش بعضها البعض…

سائق التوكتوك والميكروباص والبياع اللى ع العربيه بيبيع خضار .. والجزار والمكوجى والمينى ماركت والسوبر ماركت ..وبتاع الفول والفلافل والسندوتشات .. ومحل البقاله ..

والفكهانى وبتاعة الفجل والجرجير والفراخ .. وغيرهم ..

كلهم عايزين يزودوا الاسعار عشان البنزين زاد

وبالتالى اجرة النقل زادت .. واسعار ركوب المواصلات والتكتك والميكروباسات  زادت ..

والفلاح يقولك السولار زاد..

والجرار الزراعى بيشغل بالسولار ..


لازم نظام .. وقواعد ..

العمليه مش فوضى كل حد بيحط السعر اللى على مزاجه !!!

عندنا الالاف المحاسبين يقدروا يحسبوا الكفت ..

وتكلفة كل سلعه ومتوسط  ارباحها ..

محدش يزود اسعار بمزاجه ..

ويقول البنزين زاد .. هو والسولار..

التاجروالمصنع واخد على ان سعر السلعه ده بتاعه يتحكم فيه بمزاجه .. 

واصحاب السوق تجار على سواقين على مصنعين على اصحاب اعمال ومهن حره عايزين يزودوا الاسعار .. بمزاجهم ..

وطبعا احنا مفيش حاجه مسعره عندنا الا الخبز ..

طبقاً للجات ..

وباقى كل السلع عرض وطلب ..

لازم جهاز حماية المستهلك يشتغل لمنع كل ذلك ..

ومنع هذه الفوضى  .. 

وكذلك جمعيات حماية المستهلك وده دورها جه حاليا ً .. 

ولامانع من تشديد العقوبه ..

على المخالفين ..

عند التلاعب بالاسعار راستغلال المواطنين ..

لازم لعبة القط والفار دى تنتهى ..

والمواطن هو المطحون ..

ونحن كغرفه تجارية سنقوم بعمل ندوات بهذا الشأن

للتعريف بذلك .. 

وواجب البائع والتاجر .. والمصنع الصغير ومؤدى الخدمات ..

وحقه بدون مبالغه ..

مصر فى مرحلة فارقه من تاريخها ..

مصر بتتبنى من جديد ..

الجمهورية الجديده ..

تحيا مصر ..تحيا مصر ..

فتحى مرسى 

رئيس مجلس ادارة الغرفه التجارية بالبحيرة

نائب رئيس اتحاد الغرف المصرية

المشاركات الشائعة من هذه المدونة

برقية تهنئة للأستاذ محمد والأستاذة مريم بمناسبة الخطوبة السعيدة.

مباحث البحيرة تكثف جهودها لكشف لغز العثور علي جثة فتاة بعيادة عيون في كفر الدوار

جريمه قتل داخل سفير مول بكفر الدوار في عياده الرمد